Edukira joan
ES EU

Ikastetxeko berriak

Landa eremuko emakumeak ere EKINTZAILEAK direlako!

Urriaren 15ean Landa Eremuko Emakumeen Nazioarteko Eguna ospatzen da! Horregatik Elgoibarko Mausitxa gaztandegira hurbildu gara. Itxaso Irazabalek (Elgeta) hartu gaitu, zeinak hamarkada bat baino gehiago daraman negozio familiarrari eskainia! Galdera zerrenda batekin aurkeztu garen arren, gertuko elkarrizketa atsegin baten bidez hainbat gairi buruz hitz egin dugu! Jakin dezatela, gutxienez zortzigarren belaunaldia dira gazta egiteko erabakia hartzen dutenak! Lehen belaunaldiek autokontsumorako ekoizpen batekin hasi ziren, zeintzuk gazta egiten zuten esnea alferrik ez galtzeko, eta soberakinarekin salerosten zuten! Laurogeiko hamarkadaren hasieran Rosa Marik eta Jesus Marik gaztagintzatik modu profesionalean bizitzen saiatzeko apustu garrantzitsua egin zuten; adierazten dutenez oso lanbide gogorra da eta egungo merkatuan lekua egiteko, ohiko jarrera ekintzaileak azpimarratzeaz gain (arriskuak hartzeko gaitasuna, lidergoa, sormena, talde-lana...), batez ere jarduerarekiko BOKAZIOA azpimarratu dute. Jarduera familian kudeatzen dute, non historikoki emakumeen presentzia handia eman da. "Mausitxa Gazta" ekoizpen prozesuak eskatzen dituen lan guztien sekulako koordinazioaren emaitza da (ardiak zaintzea, elikatzea, eskilatzea, jeztea...), non guztien artean bai nazio mailan bai nazioartean sari ugari irabazitako azken produktua gauzatzen duten. Eskerrik asko Itxaso Irazabal-Iñaki Ansola eta Rosa Maria Salegi-Jesus Maria Ansola zuen gertutasunagatik, profesionaltasunagatik eta lan onagatik! Plazer bat izan da zuen apustu ekintzailea bertatik bertara ikusi eta gozatu ahal izatea! Emakumeak nekazaritza eta abeltzaintza sektoreetan ere ekiten duelako! Meka emakumeen ekintzailetzarekin landa munduan! Biba zuek!

Makinariaren elektromekanikako 2. Kurtsoko ikasleak Forest Pioneer enpresak antolaturiko Neuson 204VHT prozesadoraren erakustaldian

Makinariaren elektromekanikako 2. Kurtsoko ikasleak Forest Pioneer enpresak antolaturiko Neuson 204VHT prozesadoraren erakustaldian izan ziren, Mungiako basoetan. Benetan irteera interesgarria gu denontzat. Mila esker Forest Pioneer!

Ekintzailetza jardunaldia

MEKA Lanbide Eskolari “ekintzailetza” aukera paregabea iruditzen zaio! Hau dela eta biharko (Urriak 7) Ekintzailetza Jardunaldi bat antolatu da. Administration Mintegiak eskatuta!

#ETHAZI metodologia aktibo eta kolaboratiboari esker, ikasleek beren sektoreko negozio ideia bat garatu beharko dute, eta hori garatzeko modu hoberenetako bat ekintzaile bati bere bizipenaren berri galdetu ahal izatea da. Horretarako “Eat one Feed One” Tour Gastronomikoak antolatzen dituen Cristina Castellanos-en zuzenekoaz gozatu ahalko dugu, zeinak bere ekintzailetzaren inguruko bizipenak partekatuko dizkigu. Bestalde, Mugarik Gabeko Ekonomilariak erakundearen ordezkaria den Maialen Aginagalde ere gure artean izango da. Bere eskutik Ekonomia Sozial eta Solidarioagoa eta enpresetako Erantzunkizun Sozial Koorporatiboa eta Inbertsio Etikoak ezagutu ahalko ditugu. Eta nola ez, jardunaldia Urratsbat Programa eta UrratsbatSAREA ezagutaraziz amaituko dugu! MEKA-n Ekintzailetzan sinisten dugulako … Meka Ekintzailetzarekin! 

Elkar ezagutzen

Kurtsoa hasteko eta elkar ezagutzeko ekintza berezi bat prestatu dugu gaur Administraritza erdi eta goi mailako ikasleentzat. Mendexa Abentura Park-en goiza pasatu dugu erronka desberdinak gaindituz! Primeran ibili gara!

© meka-elgoibar
Telefonoa: 943.74.80.19
bulegoa@meka-elgoibar.eus